من حضرتك عشآن قلبي تذله

صبآح / مسآء الـغ ـلآ والـ ش ـووق

:
:

سو اللي براسك ولا تذكر أسباب
لا صرت بايعني توكل على الله

ما بيني وبينك مشاريه وعتاب
شف دربك اللي جيت منه تدله

ما راح تغلبني لو الحب غلاب
من حضرتك عشان قلبي تذله

في ذمتي لجعلك عبره للأحباب
لين الخل يتوب عن جرح خله

زلاتك اللي ما نفع فيها احساب
لا جيت اعددهن ثمانين زله

احرجتني بين القرايب والأحباب
كن الجفا سيف بوجهي تسله

ما كنت أقصر فيك من كثر الإعجاب
يومك تساوي عندي الكون كله

كنت القريب وكلهم كانوا أغراب
حتى القمر لا غاب شفتك محله

خلاص لا ترجع ترا خاطري طاب
مابي طارى اللي كنت عايش بظله

رح واعتبرني واحد اذنب وتاب
ماني بثوب تلبسه ثم تمله

ما يجتمع بالحب صادق وكذاب
رزقي ورزقك كلنا على الله

:
:

مـع أرق أمنيـآتي

من اجمل الكلمات
مشكوووووووووور على المواضيع الحلوة
الله لا يحرمنا من جديدك

العفــوـو أختي ليلى
وتسلميــن ع مرورج الراائع وردج

نورتيـ الصفحه